Gestern, wia ma jung warn, meine Freund und i
da habn wir uns gschworen, so wie die Oidn werd ma nia
Ham gsoffn, graucht und warn guad drauf, und nix hat uns weh do
doch heut wenn ma uns sehn, fangt immer früha oana o.
Er taat nix mehr vertragn - er hätts a weng im Magn
Und des was mir dann redn - des musst da erstmal gebn

I hob an Leberschaden, hast Du den aa?
Naaa, i hob Kreuzweh und Prostata
Und i an Hexenschuss und a dünnes Bluat
Sonst fehlt uns nix, sonst geht's uns guad

Heut vermiss ma oft den Spruch: "Ihr werd´s a moi oid!"
I glaub, ma wui uns damit sagn: "Buam, ihr seid's es boid"
Vui zu schnell vergeht die Zeit bis zur Inkontinenz
Der Oane tröpfelt heut scho nach, und beim andern brennts.
Und dann kimmt no dazua: Wir brauch ma vui mehr Ruah.
Am Tag a Stund am Kanapee, und zwar alloa, dann is's erst schee

Refrain

Morgen wenn mir oid san, meine Freund und i
da treff ma uns dann jeden Tag zu Physiotherapie
Spuin Fangste und schaun, wer am schnellsten um an Tisch rumroast
San selig, wenn uns eifeut, wie a jeder von uns hoaßt
Und dann stell i mir vor, mir flüstert wer ins Ohr:
"Die Demenz muaß heut dro glaubn - mir vergess ma, dass mass ham"

I hob an Leberschaden, hast Du den aa?
Naaa, i hob Kreuzweh und Prostata
Des hob i sicherlich von mei'm Großvoda
I glaub mei Muada und mei Bruada, de ham's aa.

I hob an Leberschaden, hast Du den aa?
Naaa, i hob Kreuzweh und Prostata
Und i an Hexenschuss und a dünnes Bluat
Sonst fehlt uns nix, sonst geht's uns guad

vocals: Hank B.
guitar: Geronimo
drums: Alesis
Chorus: Alina, Frank B.
Doc Rock, Geronimo